heart tattoos designs for women
heart tattoos designs for womenstar tattoo, heart tattoo Heart Tattoo Designs Heart Hand Tattoo Design Girls Cute Heart Tattoos Tattoo Designs Hearts Heart Tattoo Designs Heart Tattoo Designs Here is a heart tattoo design. Heart Tattoo Design 13 heart tattoo designs for women Heart Rose Chest Tattoo Design tattoo patterns for women zebra heart tattoo design on Picture 8. Free Lower Back Heart Tattoo Designs For Girls Tattoo Designs Hearts broken Heart chest tattoo with Heart Tattoo Design and Heart tattoo designs for Tattoo Designs Hearts 4rfv2ws7u heart tattoos designs for women - heart tattoos designs for women heart tattoos designs for women
- സ്വന്തം ലേഖകന്
( Wednesday, September 19, 2012 ) |
Reminder: Kuzhur Wilson invited you to join Facebook...
- സ്വന്തം ലേഖകന്
( Wednesday, September 05, 2012 ) |
മുസ്ലീം ലീഗ് സംസ്ഥാന നേതാക്കള്ക്ക് സ്വീകരണം
മുസ്ലീം ലീഗ് സംസ്ഥാന നേതാക്കള്ക്ക് റിയാദ് കെഎംസിസി സെന്ട്രല് കമ്മിറ്റിയുടെ ആഭിമുഖ്യത്തില് സ്വീകരണം നല്കി. സംസ്ഥാന പ്രസിഡന്റ് ഹൈദരാലി ശിഹാബാ തങ്ങള്, ജനറല് സെക്രട്ടറി പി.കെ കുഞ്ഞാലിക്കുട്ടി, എം.കെ മുനീര്, പി,വി അബ്ദുള് വഹാബ് എന്നിവരാണ് സൗദി സന്ദര്ശനത്തിന്റെ ഭാഗമായി റിയാദില് എത്തിയത്.
ഇടത് സര്ക്കാര് കഴിവ് കേടിന്റെ ബ്രാന്റ് അംബാസിഡര് ആയതായി ഹൈദരാലി ശിഹാബ് തങ്ങള് പറഞ്ഞു. പ്രവാസി വോട്ടവകാശം യാഥാര്ത്ഥ്യമാക്കാന് കേന്ദ്രസര്ക്കാറില് സമ്മര്ദ്ധം ചെലുത്തുമെന്ന് പി.കെ കുഞ്ഞാലിക്കുട്ടി പറഞ്ഞു.
- സ്വന്തം ലേഖകന്
( Sunday, May 02, 2010 ) |
ഏഴ് പുതിയ മെട്രോ റെയില് സ്റ്റേഷനുകള് കൂടി പ്രവര്ത്തം ആരംഭിച്ചു
ദുബായില് ഏഴ് പുതിയ മെട്രോ റെയില് സ്റ്റേഷനുകള് കൂടി പ്രവര്ത്തം ആരംഭിച്ചു. ഉച്ചക്ക് 2 മണി മുതലാണ് ഇവയുടെ പ്രവര്ത്തനം ആരംഭിച്ചത്. ഇതോടെ റെഡ് ലൈനില് ആകെയുള്ള സ്റ്റേഷനുകളുടെ എണ്ണം 18 ആയി. വന് തിരക്കാണ് ഇന്ന് വൈകീട്ട് പുതിയ റെയില്വെ സ്റ്റേഷനുകളില് അനുഭവപ്പെട്ടത്.
എമിറേറ്റ്സ്, എയര്പോര്ട്ട് ടെര്മിനല് ഒന്ന്, കരാമ,എമിറേറ്റ്സ് ടവര്, ദുബായ് ഇന്റര്നെറ്റ് സിറ്റി, മറീന, ഇബന് ബതൂത്ത എന്നീ സ്റ്റേഷനുകളാണ് ഇന്ന് തുറന്നത്. മറ്റ് സ്റ്റേഷനുകള് ഉടന് തുറക്കുമെന്ന് ആര്ടിഎ അധികൃതര് അറിയിച്ചു. ഇന്നുമുതല് നീല നോള് കാര്ഡുകളും വിപണിയിലെത്തി. സില്വര് കാര്ഡിന് പകരമാണ് ഇത്.
- സ്വന്തം ലേഖകന്
( Saturday, May 01, 2010 ) |
ഏഷ്യന് ടെലിവിഷന് അവാര്ഡുകള് പ്രഖ്യാപിച്ചു
ഈ വര്ഷത്തെ ഏഷ്യന് ടെലിവിഷന് അവാര്ഡുകള് പ്രഖ്യാപിച്ചു. 28 വിഭാഗങ്ങളിലാണ് അവാര്ഡ്. ഏഷ്യാനെറ്റ് 12 അവാര്ഡുകള് നേടി. മികച്ച നടിയായി രസനയേയും നടനായി സുരേഷ് കൃഷ്ണയേയും തെരഞ്ഞെടുത്തു.
ആര്. ശ്രീകണ്ഠന് നായരാണ് ഏറ്റവും മികച്ച ടോക് ഷോ അവതാരകന്. മികച്ച ഗള്ഫ് റിപ്പോര്ട്ടറായി ഏഷ്യാനെറ്റ് ന്യൂസിലെ ഫൈസല് ബിന് അഹ്മദിനെ തെരഞ്ഞെടുത്തു. രഞ്ജിനി ഹരിദാസാണ് മികച്ച അവതാരക. മികച്ച റിയാലിറ്റി ഷോ ഏഷ്യാനെറ്റിലെ സ്റ്റാര് സിംഗറാണ്. മികച്ച ഗായികനായി ബിജു നാരായണനേയും ഗായികയായി ചിത്രയേയും തെരഞ്ഞെടുത്തു. ദുബായ് ഫെസ്റ്റിവല് സിറ്റിയില് മെയ് 14 ന് നടക്കുന്ന ചടങ്ങില് അവാര്ഡുകള് വിതരണം ചെയ്യുമെന്ന് സംഘാടകരായ ഏഷ്യാവിഷന് അഡ്വര് ടൈസിംഗ് അധികൃതര് അറിയിച്ചു.
- സ്വന്തം ലേഖകന്
( Thursday, April 29, 2010 ) |
യര്മ അരങ്ങേറുന്നു
ദുബായ് : പ്രമുഖ സ്പാനിഷ് എഴുത്തുകാരനായ ഫെഡറിക്കോ ഗാര്സിയ ലോര്ക്ക എഴുതിയ "യര്മ" എന്നാ സ്പാനിഷ് നാടകത്തിന്റെ മലയാള രംഗാവിഷ്കാരം "തിയറ്റര് ദുബായ്" യുടെ ബാനറില് ഏപ്രില് 29ന് വ്യാഴാഴ്ച വൈകുന്നേരം 7:00 മണിക്ക് ദുബായിലുള്ള സുഡാനി ക്ലബില് അരങ്ങേറുന്നു. സുവീരനാണ് മലയാള നാടകാ വിഷ്കാരം നിര്വഹിച്ചി രിക്കുന്നത്.
തലമുറ കള്ക്ക് വേണ്ടി വെമ്പി നില്ക്കുന്ന വൈകാരികമായി അടിച്ചമര്ത്ത പ്പെട്ട നിസ്സഹായരായ ഒരു സ്ത്രൈണ ജന്മവും, സമ്പന്നതയുടെ നിധി പേടകം മാത്രമായി ജീവിതത്തെ കാണുകയും ചെയ്യുന്ന ഷണ്ഡത്വം ബാധിച്ച ഒരു ദുഷിച്ച സാമൂഹിക അവസ്ഥയുടെ പരിഛേദമായി പുരുഷ പുരുഷ മേധാവി ത്വത്തേയും നാടകത്തില് ചൂണ്ടിക്കാണിക്കുന്നു. കൂടുതല് വിവരങ്ങള്ക്ക് 055-8838264, 050-8227295 എന്നീ നമ്പറുകളില് ബന്ധപ്പെടേണ്ടതാണ്.
- ജെ. എസ്.
( Tuesday, April 27, 2010 ) |
കെ. എസ്. സി. പ്രവര്ത്തനോദ്ഘാടനം പിണറായി വിജയന് നിര്വഹിക്കും
അബുദാബി കേരള സോഷ്യല് സെന്റര് പുതിയ ഭരണ സമിതി നിലവില് വന്നു. ഈ കമ്മിറ്റിയുടെ പ്രവര്ത്തനോദ്ഘാടനം വ്യാഴാഴ്ച രാത്രി 8 മണിക്ക്, സി. പി. എം. സംസ്ഥാന സിക്രട്ടറി പിണറായി വിജയന് നിര്വഹിക്കും.
ടി. കെ. ഹംസ (കേരള പ്രവാസി ക്ഷേമ നിധി ബോര്ഡ് ചെയര്മാന്), എ. വിജയ രാഘവന്( മുന് എം. പി), ജോണ് ബ്രിട്ടാസ് (കൈരളി ടി. വി. മാനേജിംഗ് ഡയറക്ടര്) എന്നിവര് പങ്കെടുക്കും. യു. എ .ഇ. യിലെ സാംസ്കാരിക രംഗത്തെ പ്രമുഖര് ചടങ്ങില് സംബന്ധിക്കും. പുതുതായി തിരഞ്ഞെടുത്ത കമ്മിറ്റി അംഗങ്ങളും സ്ഥാനങ്ങളും; കെ. ബി. മുരളി (പ്രസിഡന്റ്), ബക്കര് കണ്ണപുരം (ജന. സിക്രട്ടറി), വി. സുധീന്ദ്രന് (ട്രഷറര്), ബാബു വടകര (വൈസ് പ്രസിഡന്റ്), എ. എല്. സിയാദ് (ജോ: സിക്രട്ടറി), ടി.കെ. അബ്ദുല് ജലീല് (കലാ വിഭാഗം സിക്രട്ടറി), അയൂബ് കടല് മാട് (സാഹിത്യ വിഭാഗം സിക്രട്ടറി) എസ്. എ. കാളിദാസ് മേനോന്( സ്പോര്ട്സ് സിക്രട്ടറി) എ. പി. അബ്ദുല് ഗഫൂര് ( ഇവന്റ് കോഡിനേറ്റര്), മനോജ് (ലൈബ്രേറിയന്), പി. കെ. എം. ഷരീഫ് (വെല്ഫെയര് സിക്രട്ടറി), ഇ. പി. സുനില് (ഓഡിറ്റര്), പി. റജീദ് (അസി. കല. സിക്രട്ടറി), വി.പി. വികാസ് (അസി. സ്പോര്ട്സ് സിക്രട്ടറി), എസ്. കെ. താജുദ്ദീന് (അസി. ട്രഷറര്) Labels: abudhabi, associations, uae, അറബിനാടുകള്
- പി. എം. അബ്ദുള് റഹിമാന്
( Wednesday, April 21, 2010 ) |
അബുദാബിയില് 'പെയ്ഡ് പാര്ക്കിംഗ്' കൂടുതല് സ്ഥലങ്ങളില്
അബുദാബി: ഡിപ്പാര്ട്ട്മെന്റ് ഓഫ് ട്രാന്സ്പോര്ട്ടിനു (DoT) കീഴില് നടപ്പാക്കിയ 'മവാക്കിഫ്' പദ്ധതിയില് കൂടുതല് സ്ഥലങ്ങളില് ഞായറാഴ്ച മുതല് 'പെയ്ഡ് പാര്ക്കിംഗ്' സംവിധാനം നിലവില് വന്നു.
ടൌണില് കോര്ണീഷു റോഡ് മുതല് ഖലീഫാ ബിന് സായിദ് സ്ട്രീറ്റ്, ബനിയാസ് നജ്ദ സ്ട്രീറ്റ് അടക്കമുള്ള ഭാഗങ്ങളില് 447 ഇടങ്ങളിലാണ് പെയ്ഡ് പാര്ക്കിംഗ്. ശനിയാഴ്ച മുതല് വ്യാഴാഴ്ച വരെയുള്ള ദിവസങ്ങളില് രാവിലെ 8 മുതല് രാത്രി 9 വരെ, മണിക്കൂറിനു 3 ദിര്ഹം വീതം പാര്ക്കിംഗ് ഫീസ് അടക്കാവുന്നതും പരമാവധി നിര്ത്തിയിടാവുന്ന സമയം 4 മണിക്കൂര് ലഭിക്കുന്നതുമായ 'പ്രീമിയം', മണിക്കൂറിനു 2 ദിര്ഹം അല്ലെങ്കില് ദിനം പ്രതി 15 ദിര്ഹം ഫീസ് അടക്കാവുന്നതുമായ 'സ്റ്റാന്ഡേര്ഡ' എന്നിങ്ങനെ രണ്ടു വിഭാഗങ്ങളിലാണ് പെയ്ഡ് പാര്ക്കിംഗ്. Labels: abudhabi, gulf, law, അറബിനാടുകള്
- പി. എം. അബ്ദുള് റഹിമാന്
( Monday, April 19, 2010 ) |
തൊഴില് ഉടമ മുങ്ങി - മുന്നൂറോളം തൊഴിലാളികള് കേരളത്തിലേക്ക് മടങ്ങുന്നു
ഷാര്ജ : ആറു വര്ഷത്തോളം ജോലി ചെയ്ത സ്ഥാപനത്തിന്റെ ഉടമ ആഗോള സാമ്പത്തിക മാന്ദ്യത്തിന്റെ മറവില് ശമ്പളം കൊടുക്കാതെയാവുകയും ഒടുവില് സ്ഥാപനത്തില് വരാതാവുകയും ചെയ്തതിനെ തുടര്ന്ന് കഴിഞ്ഞ ആറു മാസക്കാലം ശമ്പളം ലഭിക്കാതായ 1400 തൊഴിലാളികളില് മുന്നൂറോളം മലയാളി തൊഴിലാളികള് നാളെ നാട്ടിലേക്ക് മടങ്ങുകയാണ്. കണ്ണൂര് സ്വദേശിയായ സ്ഥാപനം ഉടമ ഇപ്പോള് കേരളത്തില് ആണ് ഉള്ളത് എന്ന് തൊഴിലാളികള് പറയുന്നു. കഴിഞ്ഞ ആറു മാസക്കാലം തൊഴിലാളികള്ക്ക് ശമ്പളം നല്കാഞ്ഞ ഇയാള് കഴിഞ്ഞ ഏതാനും മാസത്തിനകം കോടിക്കണക്കിനു രൂപയുടെ ഭൂമി വാങ്ങിക്കൂട്ടിയതായും ഇവര് പറയുന്നു. ഇയാളുടെ തന്നെ നാട്ടുകാരാണ് ചതിയില് പെട്ടതില് ചിലര്.
മാസങ്ങളോളം ശമ്പളം മുടങ്ങിയപ്പോള് തൊഴിലാളികള് പട്ടിണിയിലായി. മുന്പും പലപ്പോഴും ഇങ്ങനെ ശമ്പളം രണ്ടോ മൂന്നോ മാസം കിട്ടാതായിട്ടുണ്ട് എന്നതിനാല് ഇത്തവണയും വൈകിയാണെങ്കിലും ശമ്പളം ലഭിക്കും എന്നാ പ്രതീക്ഷയില് ആയിരുന്നു ഇവര്. എന്നാല് നാട്ടില് പോയ കമ്പനി മുതലാളി തിരിച്ചു വരാതായതോടെ ഇവര്ക്ക് തങ്ങള് കബളിക്കപ്പെട്ടതായി മനസ്സിലായി. അധികൃതരോട് പരാതി പറഞ്ഞാല് ലഭിക്കാന് സാധ്യതയുള്ള ആനുകൂല്യങ്ങള് ലഭിച്ചില്ലെങ്കിലോ എന്ന ഭയത്താല് പരാതി പറയേണ്ട എന്ന് ഒരു കൂട്ടര് ശഠിച്ചതോടെ ഇവര് അധികൃതരെ തങ്ങളുടെ പ്രശ്നങ്ങള് അറിയിച്ചതുമില്ല. എന്നാല് പട്ടിണി സഹിക്കാതായപ്പോള് 600 ഓളം പേര് തങ്ങളുടെ ലേബര് ക്യാമ്പില് നിന്ന് കാല്നടയായി ദുബായിലുള്ള തൊഴില് വകുപ്പ് ഓഫീസിലേക്ക് യാത്രയായി. എന്നാല് വഴിയില് വെച്ച് ഇവരെ പോലീസ് തടഞ്ഞു. സംഘം ചേരുന്നത് ഇവിടെ നിയമ വിരുദ്ധമാണ് എന്ന് പറഞ്ഞായിരുന്നു ഇവരെ തടഞ്ഞത്. എന്നാല് തൊഴിലാളികളുടെ പ്രശ്നം മനസ്സിലാക്കിയ പോലീസ് തൊഴില് വകുപ്പ് ഉദ്യോഗസ്ഥരെ വിവരം അറിയിച്ചതിനെ തുടര്ന്ന് തൊഴില് വകുപ്പ് പ്രശ്നത്തില് ഇടപെട്ടു. എന്നാല് ഇതോടെ കമ്പനിയിലെ മാനേജരും മുങ്ങിയതല്ലാതെ മറ്റ് ഗുണമൊന്നും ഉണ്ടായില്ല. അവസാനം തൊഴില് വകുപ്പ് തന്നെ ഇവര്ക്ക് ടിക്കറ്റ് എടുത്തു ഇവരെ നാട്ടിലേക്ക് അയക്കാന് തീരുമാനി ക്കുകയായിരുന്നു. കമ്പനിയുടെ പ്രാദേശിക സ്പോണ്സര് ആയ അറബ് സ്വദേശിയും തൊഴില് വകുപ്പുമായി സഹകരിച്ചു ഇവര്ക്ക് നാട്ടിലേക്ക് തിരികെ പോകുവാനും, കമ്പനിക്ക് ആവും വിധമുള്ള ധന സഹായം നല്കുവാനും മുന്നോട്ട് വന്നിട്ടുണ്ട്. എന്നാല് ഈ കാര്യത്തില് എന്തെങ്കിലും ഉറപ്പ് ഇവര്ക്ക് ലഭിച്ചിട്ടില്ല. പാസ്പോര്ട്ടും പണവും വിമാന താവളത്തില് വെച്ച് തരും എന്നാണത്രേ ഇവരെ അറിയിച്ചത്. എന്നാല് ഒരിക്കല് ഇവിടം വിട്ടാല് പിന്നെ തങ്ങള്ക്കു ലഭിക്കേണ്ട ശമ്പള കുടിശിക തങ്ങള്ക്ക് ഒരിക്കലും ലഭിക്കില്ല എന്ന് ഇവര് ഭയക്കുന്നു. ഈ പ്രശ്നത്തില് ഇടപെട്ട് വേണ്ട സഹായങ്ങള് ചെയ്തു തരണം എന്ന് ഇവര് ദുബായിലെ ഇന്ത്യന് കൊണ്സുലെറ്റില് പരാതി ബോധിപ്പിച്ചിട്ടുണ്ട്. അന്വേഷണം നടത്തി വേണ്ട നടപടികള് സ്വീകരിക്കും എന്ന് കൊണ്സല് ഇവരെ അറിയിച്ചു. തങ്ങളുടെ പ്രശ്നത്തില് ഇടപെട്ട് നാട്ടിലുള്ള തൊഴില് ഉടമയുടെ കയ്യില് നിന്നും തങ്ങള്ക്കു ലഭിക്കേണ്ടതായ ശമ്പള കുടിശികയും, ആനുകൂല്യങ്ങളും ലഭ്യമാക്കാന് തങ്ങളെ സഹായിക്കണം എന്ന നിവേദനവുമായി ഇവര് ഇന്നലെ ദുബായില് ഹ്രസ്വ സന്ദര്ശനം നടത്തുന്ന സി. പി. ഐ. എം. സംസ്ഥാന സെക്രട്ടറി പിണറായി വിജയനെ നേരില് പോയി കണ്ടു അഭ്യര്ഥിക്കുകയും തങ്ങളുടെ ആവശ്യം നിവേദനമായി സമര്പ്പിക്കുകയും ചെയ്തു. തൊഴിലാളികളുടെ പരാതി ശ്രദ്ധാപൂര്വ്വം കേട്ട അദ്ദേഹം വേണ്ട നടപടികള് സ്വീകരിക്കും എന്ന് ഉറപ്പു നല്കിയിട്ടുണ്ട്.
- ജെ. എസ്.
( Monday, April 19, 2010 ) |
സാമൂഹ്യ വിരുദ്ധരുടെ പ്രചാരണം മാധ്യമങ്ങള് ഏറ്റുപാടരുത് : പിണറായി
ദുബായ്: മാധ്യമ സമൂഹത്തിന്റെ മറ ഉപയോഗിച്ച് പ്രവര്ത്തിക്കുന്ന സാമൂഹ്യ വിരുദ്ധനെ നല്ല പിള്ളയാക്കാനും അത്തരക്കാരന് പറയുന്നത് പ്രചരിപ്പിക്കാനും തയ്യാറാകുന്ന സമീപനം മാധ്യമങ്ങള് ഉപേക്ഷിക്കണമെന്ന് സി. പി. ഐ. എം. സംസ്ഥാന സെക്രട്ടറി പിണറായി വിജയന് പറഞ്ഞു. ഹ്രസ്വ സന്ദര്ശ നാര്ത്ഥം ദുബായില് എത്തിയ അദ്ദേഹം, വാര്ത്താ സമ്മേളനത്തില് സംസാരി ക്കുകയായിരുന്നു. ലാവലിന് കരാറുമായി ബന്ധപ്പെട്ട് അഴിമതി കാട്ടിയിട്ടില്ലെന്ന് സി. ബി. ഐ. പ്രത്യേക കോടതി മുമ്പാകെ സത്യവാങ്മൂലം സമര്പ്പിച്ചതിനെ കുറിച്ച് പ്രതികരിക്കു കയായിരുന്നു അദ്ദേഹം.
മാധ്യമ പ്രവര്ത്തനം നമ്മുടെ നാട്ടില് നല്ല തോതില് അംഗീകരി ക്കപ്പെടുന്ന ഒന്നാണ്. അപവാദം പ്രചരിപ്പി ക്കുമെന്ന് ഭീഷണി പ്പെടുത്തി പണം പറ്റുന്ന കശ്മലന്മാര്ക്ക് വലിയ പ്രചാരണം കൊടുക്കാന് മുഖ്യധാരാ മാധ്യമങ്ങള് തന്നെ തയ്യാറാകുന്നു. അത് മാധ്യമ ധര്മത്തില് പെട്ടതാണോ? സമൂഹത്തിലെ പുഴുക്കുത്തുകളായ അത്തരം വ്യക്തികള്ക്ക് വ്യാപകമായി പ്രചാരണം കൊടുക്കുന്നത് ഇതുമായി ബന്ധപ്പെട്ട് നമുക്ക് കാണാന് കഴിയും. ഒരു പാട് ദുഷ്പ്രചാരണങ്ങള് വന്ന ഒരു പ്രശ്നമാണിത്. കേരളത്തില് വൈദ്യുതി വകുപ്പിന്റെ ചുമതല കുറച്ചു കാലം കൈവശം വയ്ക്കുകയും ആകുന്ന രീതിയില് ആ ചുമതല നിറവേറ്റാന് ശ്രദ്ധിക്കുകയും ചെയ്തതിന്റെ തുടര്ച്ച യായിട്ടാണ് ഈ പ്രശ്നം ഉയര്ന്നു വന്നത്. മന്ത്രി സ്ഥാനത്തു നിന്ന് ഒഴിയുമ്പോള് രാഷ്ട്രീയമായി എതിര്ത്തവര് പോലും നല്ല വാക്കുകള് പറഞ്ഞിരുന്നു. എങ്കിലും പിന്നീട് വലിയ കോടികളുടെ അഴിമതി ക്കാരനായി എന്നെ ചിത്രീകരിക്കാനുള്ള ശ്രമമായിരുന്നു നടന്നത്. ചിലരത് 360 കോടിയില് പരമെന്നും ചിലര് 500 കോടിയില് പരമാണെന്നു മൊക്കെ അവരവരുടെ ഭാവനാ വിലാസ മനുസരിച്ച് പ്രചരിപ്പി ക്കുകയായിരുന്നു. ഇതുമായി ബന്ധപ്പെട്ട് ഉയര്ന്നു വന്ന കേസ് നിയമ പരമായി നേരിടുമെന്ന് നേരത്തേ തന്നെ പ്രഖ്യാപിച്ചതാണ്. അതു തന്നെയാണ് തുടര്ന്നും സ്വീകരിക്കുന്ന നിലപാടെന്നും പിണറായി പറഞ്ഞു. Labels: political-leaders-kerala
- ജെ. എസ്.
( Sunday, April 18, 2010 ) |
സഖാഫിയുടെ നിര്യാണത്തില് അനുശോചനം
അബൂദാബി: സുന്നി മര്കസ് അബൂദാബി മുന് ഓഫീസ് സെക്രട്ടറിയും എസ്. വൈ. എസ്. പ്രവര്ത്തക നുമായിരുന്ന മലപ്പുറം ആതവനാട് സ്വദേശി ശിഹബുദ്ദീന് സഖാഫി (32) വാഹനാ പകടത്തില് മരിച്ചു. അബൂദാബി എയര്പോര്ട്ട് റോഡില് വാഹനങ്ങള് കൂട്ടിയിടിച്ചുണ്ടായ അപകടത്തിലാണ് മരണം. വെള്ളിയാഴ്ച രാവിലെ ഒമ്പതിന് താമസ സ്ഥലത്തു നിന്നും സുഹൃത്തിന്റെ വീട്ടില് മത പഠന ക്ലാസിനു പോകാനായി ഇത്തിസാലാ ത്തിന്റെ സമീപത്തു നിന്നും മിനി ബസില് മുറൂര് റോഡിലൂടെ യാത്ര ചെയ്യവെ യായിരുന്നു അപകടം. പിറകില് നിന്നും വന്ന ഒമാനി സ്വദേശി ഓടിച്ചിരുന്ന ഫോര്വീല് കാര് മിനി ബസില് ഇടിക്കു കയായിരുന്നു. ഇടിയുടെ അഘാതത്തില് വാഹന ത്തില് നിന്നും റോഡിലേക്ക് തെറിച്ച് വീണ സഖാഫി തല്ക്ഷണം മരിച്ചു. അഞ്ചു വര്ഷമായി ഇവിടെ വിവിധ ജോലികള് ചെയ്തു വരികയായിരുന്നു. മാസങ്ങള്ക്ക് മുമ്പാണ് എമിറേറ്റ്സ് ട്രാന്സ്പോര്ട്ട് അഥോറിറ്റിയില് ഡ്രൈവറായി ജോലിയില് പ്രവേശിച്ചത്.
കളത്തില് തൊടിയില് മുഹമ്മദ് ഹാജിയാണ് പിതാവ്. ഉമ്മ: ഖദീജ. ഭാര്യ: രണ്ടത്താണി സ്വദേശിനി റഹീന. നാലു വയസ്സുള്ള ഫാത്വിമ ഹുദയും സഖാഫി കണ്ടിട്ടില്ലാത്ത ഒന്നര വയസ്സുള്ള മുഹമ്മദ് ആദില് മകനുമാണ്. സിലയില് ജോലി ചെയ്യുന്ന ഇബ്റാഹീം, മീന പച്ചക്കറി മാര്ക്കറ്റില് ജോലി ചെയ്യുന്ന അലി എന്നിവരടക്കം ഏഴ് സഹോദരങ്ങളുണ്ട്. നിയമ നടപടികള്ക്ക് ശേഷം മൃതദേഹം നാട്ടിലേക്ക് കൊണ്ടു പോകുമെന്ന് ബന്ധുക്കള് അറിയിച്ചു. സഖാഫിയുടെ നിര്യാണത്തില് വിവിധ എസ്. വൈ. എസ്., ആര്. എസ്. സി. കമ്മിറ്റികള് അനുശോചനം അറിയിച്ചു. - ഷാഫി ചിത്താരി
- ജെ. എസ്.
( Saturday, April 17, 2010 ) |
വേള്ഡ് മലയാളി എക്സലന്സി അവാര്ഡ് ആല്ബര്ട്ട് അലക്സിന്
ന്യുഡല്ഹി : ശ്രുതി ആര്ട്ട്സും ഡല്ഹി പഞ്ചവാദ്യ ട്രസ്റ്റും സംയുക്തമായി നല്കുന്ന വേള്ഡ് മലയാളി എക്സലന്സി അവാര്ഡ് (World Malayali Excellency Award - 2010) യു.എ.ഇ. യിലെ പ്രമുഖ മാധ്യമ പ്രവര്ത്തകനും കലാ സാംസ്ക്കാരിക രംഗത്തെ സജീവ സാന്നിദ്ധ്യവുമായ ആല്ബര്ട്ട് അലക്സിന് സമ്മാനിച്ചു. ഏപ്രില് 11, 2010ന് ന്യൂഡല്ഹിയില് വെച്ച് നടന്ന പുരസ്കാര ദാന ചടങ്ങില്, പ്രമുഖ രാഷ്ട്രീയ സാംസ്ക്കാരിക നേതാക്കളുടെ സാന്നിധ്യത്തില്, സിനിമാ നടനും സംവിധായകനുമായ ശ്രീനിവാസനില് നിന്നും അദ്ദേഹം പുരസ്കാരം ഏറ്റു വാങ്ങി.
മാധ്യമ പ്രവര്ത്തന രംഗത്തെ ആല്ബര്ട്ട് അലക്സിന്റെ സംഭാവനകളെ പരിഗണിച്ചാണ് പുരസ്കാരം അദ്ദേഹത്തിന് സമ്മാനിക്കുന്നത് എന്ന് ശ്രുതി ആര്ട്ട്സ് പ്രസിഡണ്ട് സി. പ്രതാപന് തദവസരത്തില് അറിയിച്ചു. പ്രവാസി മലയാളികളുടെ ക്ഷേമത്തിനായി ഡല്ഹി ആസ്ഥാനമായി പ്രവര്ത്തിക്കുന്ന സാമൂഹ്യ സാംസ്കാരിക സംഘടനയാണ് ശ്രുതി ആര്ട്ട്സ് (SRUTI Arts - Social Revolution and Unification Through Indian Arts). Labels: awards, personalities, uae, കല
- ജെ. എസ്.
( Saturday, April 17, 2010 ) |
വീണപൂവ് നാടകം അബുദാബിയില്
മഹാ കവി കുമാരനാശാന്റെ വീണപൂവ് എന്ന വിശ്വ പ്രസിദ്ധ കവിതയെ അടിസ്ഥാനമാക്കി പ്രൊഫ. ഗോപാല കൃഷ്ണന് എഴുതി, അജയ ഘോഷ് സംവിധാനം ചെയ്ത "ശ്രീഭുവിലസ്ഥിര" എന്ന നൃത്ത സംഗീത നാടകം അബുദാബി കേരളാ സോഷ്യല് സെന്റര് അങ്കണത്തില് ഇന്ന് (ഏപ്രില് 16 വെള്ളിയാഴ്ച) രാത്രി 9 മണിക്ക് അവതരിപ്പിക്കും. 1974 ല് അഞ്ച് സംസ്ഥാന അവാര്ഡുകള് കരസ്ഥമാക്കിയ 'ശ്രീഭുവിലസ്ഥിര' എന്ന നാടകം, അബുദാബി സോഷ്യല് ഫോറം ആണ് സംഘടിപ്പിക്കുന്നത്.
പ്രവേശനം സൌജന്യമായിരിക്കും. - പി. എം. അബ്ദുല് റഹിമാന്, അബുദാബി
- ജെ. എസ്.
( Friday, April 16, 2010 ) |
'വെണ്മ സംഗമം 2010' ദുബായില്
മികച്ച ഹാസ്യ നടനുള്ള 2009 ലെ സംസ്ഥാന അവാര്ഡ് നേടിയ പ്രശസ്ത മിമിക്രി ആര്ട്ടിസ്റ്റും സിനിമാ നടനുമായ സുരാജ് വെഞ്ഞാറമൂട് ദുബായിലെത്തുന്നു.
വെഞ്ഞാറമൂട് നിവാസികളുടെ പ്രവാസി കൂട്ടായ്മ 'വെണ്മ യു. എ. ഇ.' യുടെ രണ്ടാം വാര്ഷിക ആഘോഷങ്ങളില് പങ്കെടുക്കാനായിട്ടാണ് സുരാജ് വരുന്നത്. അവാര്ഡ് ജേതാവ് ആയതിനു ശേഷമുള്ള ആദ്യത്തെ ദുബായ് സ്റ്റേജ് ആയിരിക്കും ഇത്. ഏപ്രില് 16 വെള്ളിയാഴ്ച വൈകീട്ട് 6 മണിക്ക് ദുബായ് ഗിസൈസിലെ ഗള്ഫ് മോഡല് സ്കൂളില് സംഘടിപ്പിക്കുന്ന 'വെണ്മ സംഗമം 2010' വ്യത്യസ്തമായ കലാ പരിപാടി കളുടെ സംഗമം കൂടിയായിരിക്കും. സുരാജും സംഘവും ഒരുക്കുന്ന 'മെഗാ മിമിക്സ്' പ്രശസ്ത മാപ്പിളപ്പാട്ട് ഗായകനും സംഗീത സംവിധായകനും കൂടിയായ വി. എം. കുട്ടി യുടെ നേതൃത്വത്തില് ഗാനമേള, സുരേന്ദ്രന് വെഞ്ഞാറമൂട് അവതരിപ്പിക്കുന്ന 'മാജിക് ഷോ' കൂടാതെ വിവിധ നൃത്ത രൂപങ്ങള് എന്നിവ ഉണ്ടായിരിക്കും. യു. എ. ഇ യിലെ കലാ സാമൂഹിക സാംസ്കാരിക രംഗങ്ങളിലെ പ്രമുഖരും 'വെണ്മ സംഗമം 2010' ല് പങ്കെടുക്കും. Labels: associations, dubai, uae, അറബിനാടുകള്
- പി. എം. അബ്ദുള് റഹിമാന്
( Friday, April 16, 2010 ) |
കേരള കഫെ v/s ഷാര്ജ കഫെ
രംഗം 1: സ്ഥലം : സമത്വ സുന്ദര പ്രബുദ്ധ കേരളത്തിലെ കോഴിക്കോട് നഗരം. നഗരത്തിലെ ഒരു പ്രമുഖ ഹോട്ടലായ സാഗര് ഹോട്ടലിലെ സ്ത്രീകളുടെ കുളിമുറിയില് മൂത്രമൊഴിക്കാന് കയറിയ യുവതി അവിടെ ഒളിപ്പിച്ചു വെച്ചു സ്ത്രീകളുടെ നഗ്ന രംഗങ്ങള് റെക്കോര്ഡ് ചെയ്യുന്ന ഒരു ഒളി ക്യാമറ കണ്ടെത്തുന്നു. ക്യാമറ കണ്ടെടുത്ത യുവതി വിവരം തന്റെ സഹോദരനെ അറിയിക്കുന്നു. സഹോദരന് ഹോട്ടലിലെത്തി ഹോട്ടല് അധികൃതരോട് കാര്യം അറിയിക്കുന്നു. എന്നാല് ഹോട്ടല് അധികൃതര് പ്രശ്നം തൃപ്തികരമായി കൈകാര്യം ചെയ്യാതെ പരാതിക്കാരനുമായി വാക്കേറ്റം നടത്തുകയും, തുടര്ന്ന് പ്രശ്നം വഷളായി കൈയ്യേറ്റവും നടക്കുന്നു. പോലീസ് രംഗത്തെത്തുന്നു. അതോടെ യുവതിയുടെ സഹോദരന് ഹോട്ടലില് കയറി അടിപിടി ഉണ്ടാക്കി എന്നായി കേസ്. സഹോദരനെ കസ്റ്റഡിയില് എടുത്ത പോലീസിന്റെ പീഡനമേറ്റ് ഇയാള് ആശുപത്രിയിലുമായി. രംഗം 2: സ്ഥലം : അറബ് രാജ്യമായ ഷാര്ജയിലെ ഒരു പ്രമുഖ ഷോപ്പിംഗ് കേന്ദ്രമായ സഹാറ സെന്റര്. തിരക്കേറിയ ഷോപ്പിംഗ് മാളിലെ ഒരു ആഭരണ ശാലയില് ജോലി ചെയ്യുന്ന സിറിയക്കാരന് സെയില്സ് മാന്, നേരെ എതിര് വശത്തുള്ള കടയില് ജോലി ചെയ്യുന്ന ഫിലിപ്പിനോ യുവതിയുടെ ഫോട്ടോ (മുഖത്തിന്റെ മാത്രം) അവരറിയാതെ എടുക്കുന്നു. ഇത് കണ്ട രഹസ്യ പോലീസ് യുവതിയെ കാര്യം ധരിപ്പിക്കുകയും, പോലീസില് പരാതി നല്കാന് ഉപദേശിക്കുകയും ചെയ്യുന്നു. യുവതി പോലീസില് പരാതി നല്കുന്നു. സിറിയക്കാരനെ കുറിച്ച് അന്വേഷിച്ച പോലീസ് രാത്രി ഒന്പതു മണിയോടെ ഇയാളുടെ ഷാര്ജയിലുള്ള വീട്ടിലെത്തി ഇയാളെ കസ്റ്റഡിയില് എടുക്കുന്നു. കേസ് കോടതിയില് അടുത്ത ദിവസം തന്നെ എത്തും. ഒരു വര്ഷം പിഴയും, പതിനായിരം ദിര്ഹം (ഒന്നേകാല് ലക്ഷം രൂപ) പിഴയും, തടവ് ശിക്ഷ കഴിഞ്ഞാല് നാട് കടത്തലും ആണ് ഇയാള്ക്ക് കോടതി നല്കാന് പോകുന്ന ശിക്ഷ. സ്ത്രീകളുടെ കുളിമുറിയില് അതിക്രമിച്ചു കയറി, സ്ത്രീകള് മൂത്രമൊഴിക്കുന്ന രംഗം ക്യാമറയില് പകര്ത്തു കയൊന്നുമല്ല ഇയാള് ചെയ്തത്. ജനത്തിരക്കുള്ള ഒരു പൊതു സ്ഥലത്ത് വെച്ച് തനിക്ക് ആകര്ഷകമായി തോന്നിയ, തനിക്ക് പരിചയമുള്ള, താന് ദിവസവും കാണുന്ന, തന്റെ തൊട്ടടുത്ത കടയില് ജോലി ചെയ്യുന്ന ഒരു സ്ത്രീയുടെ "മുഖത്തിന്റെ മാത്രം" ചിത്രം എടുക്കുകയാണ് ഇയാള് ചെയ്തത്. ഒരു സ്ത്രീയുടെ സ്വകാര്യതയില് അതിക്രമിച്ചു കയറി എന്നതാണ് ഇയാള്ക്ക് എതിരെ ചുമത്തിയ കുറ്റം. സമത്വ സുന്ദര പ്രബുദ്ധ കേരളം വേണോ, അടഞ്ഞ (ക്ലോസ്ഡ്) മുസ്ലിം നിയമം നടപ്പിലാക്കുന്ന രാജ ഭരണം വേണോ? സ്ത്രീയുടെയോ പുരുഷന്റെയോ ഇതൊന്നു മല്ലാത്ത വരുടെയോ ആരുടെയെ ങ്കിലുമാവട്ടെ, ഒരു വ്യക്തിയുടെ സ്വകാര്യതയെ മാനിക്കാന് നമുക്ക് ഇനിയും ഒരുപാട് കാലത്തെ സംസ്ക്കരണം വേണ്ടി വരുമോ?
- ജെ. എസ്.
( Friday, April 16, 2010 ) 1 Comments:
Subscribe to Post Comments [Atom] |
മേസ് (MACE) പൂര്വ്വ വിദ്യാര്ത്ഥി സംഗമം
മാര് അത്തനേഷ്യസ് കോളജ് ഓഫ് എഞ്ചിനിയറിംഗ് പൂര്വ്വ വിദ്യാര്ത്ഥികളുടെ യു.എ.ഇ. ചാപ്ടര് (MACE Alumni UAE Chapter) ഈ വര്ഷത്തെ വാര്ഷിക ദിനം ഏപ്രില് 16 വെള്ളിയാഴ്ച ദുബായ് ദെയറയിലെ ഷെറാട്ടന് ഹോട്ടലില് വെച്ച് ആഘോഷിക്കുന്നു. രാവിലെ 09:30ക്ക് പരിപാടികള് ആരംഭിക്കുമെന്നും എല്ലാ അംഗങ്ങളും നേരത്തെ തന്നെ എത്തിച്ചേരണം എന്നും ഭാരവാഹികള് അറിയിച്ചു. കൂടുതല് വിവരങ്ങള്ക്ക് 050 5516763 (ബിനു) എന്ന നമ്പരില് ബന്ധപ്പെടാവുന്നതാണ്.
Labels: associations, dubai
- ജെ. എസ്.
( Wednesday, April 14, 2010 ) |
എം.കെ. ലോകേഷ് യു.എ.ഇ. യിലെ ഇന്ത്യന് അംബാസിഡര്
അബുദാബി: യു.എ.ഇ. യിലെ ഇന്ത്യന് അംബാസിഡറായി എം.കെ. ലോകേഷ് ഇന്ന് ചുമതലയേല്ക്കും. ബ്രസ്സല്സിലെ ഇന്ത്യന് നയ തന്ത്ര കാര്യാലയത്തിലെ ഡെപ്യൂട്ടി ചീഫ് ഓഫ് മിഷന് ആയി സേവനം അനുഷ്ഠിക്കുക യായിരുന്നു കര്ണ്ണാടക സ്വദേശിയായ എം.കെ. ലോകേഷ്. ദല്ഹിയിലെ ഇന്ത്യന് കൌണ്സില് ഫോര് കള്ച്ചറല് റിലേഷന്സില് ഡപ്യൂട്ടി ഡയരക്ടര് ജനറലായും, വിദേശ കാര്യ മന്ത്രാലയത്തില് ആഫ്രിക്കയുടെ നയതന്ത്ര ചുമതലയുള്ള ജോയിന്റ് സെക്രട്ടറിയായും പ്രവര്ത്തിച്ചിരുന്നു.
1977 മുതല് വിദേശ കാര്യ വകുപ്പില് പ്രവര്ത്തിക്കുന്ന ഇദ്ദേഹം ശ്രീലങ്ക, നൈജീരിയ, വാഷിംഗ്ടണ്, സ്ലോവാക് റിപ്പബ്ലിക്, സൗത്ത് ആഫ്രിക്ക എന്നിവിടങ്ങളിലെ നയ തന്ത്ര കാര്യാലയങ്ങളില് ഉദ്യോഗസ്ഥനായിരുന്നു. Labels: abudhabi, personalities, uae, അറബിനാടുകള്
- പി. എം. അബ്ദുള് റഹിമാന്
( Monday, April 12, 2010 ) 1 Comments:
Subscribe to Post Comments [Atom] |
ഖത്തര് വിസാ നിയമത്തില് മാറ്റങ്ങള്
ഖത്തറിലെ ഓണ് അറൈവല് വിസാ നിയമത്തില് മാറ്റങ്ങള് വരുത്തി. പുതിയ നിയമ പ്രകാരം അമേരിക്ക, ബ്രിട്ടന് തുടങ്ങിയ 33 രാജ്യങ്ങളി ലുള്ളവര്ക്ക് ഇനി വിസ ലഭിക്കണ മെങ്കില് മുന്കൂട്ടി അപേക്ഷിക്കണം. ബ്രിട്ടിഷ് പൌരന്മാര്ക്ക് ഇനി മുതല് വിസയുടെ അപേക്ഷ യോടൊപ്പം അവസാന മൂന്നു മാസത്തെ ബാങ്ക് സ്റ്റേറ്റുമെന്റും അക്കൌണ്ടില് കുറഞ്ഞത് 1300 ഡോളര് ഉണ്ടായിരിക്കുകയും വേണം. ഫ്രാന്സ്, ഓസ്ട്രേലിയ, സിങ്കപ്പൂര്, ഇറ്റലി, ജര്മ്മനി, ന്യൂ സിലാന്റ്, ജപ്പാന്, കാനഡ, മലേഷ്യ തുടങ്ങിയ രാജ്യങ്ങള് ഈ പട്ടികയില് പെടുന്നുണ്ട്. കൂടാതെ ഖത്തറില് ബിസിനസ് ആവശ്യത്തിനായി എത്തുന്നവരും മുന്കൂറായി അപേക്ഷിക്കണം. ഇതിന് ഖത്തര് പൌരനായ സ്പോണ്സര് കൂടി ആഭ്യന്തര മന്ത്രാലയത്തില് അപേക്ഷ നല്കണം. ഈ നിയമം മെയ് ഒന്നു മുതലാണ് നിലവില് വരിക.
Labels: qatar
- ജെ. എസ്.
( Sunday, April 11, 2010 ) |
'യോഗശക്തി' ശൈഖ് നഹ് യാന് പ്രകാശനം ചെയ്തു
അബുദാബി: ഇന്ത്യയുടെ സംസ്കാരം ലോകത്തിന് പകര്ന്നു നല്കിയ മികച്ച ആരോഗ്യ- ആത്മീയ ശിക്ഷണ പദ്ധതിയാണ് യോഗ എന്ന് യു. എ. ഇ. ഉന്നത വിദ്യാഭ്യാസ വകുപ്പ് മന്ത്രി ശൈഖ് നഹ് യാന് ബിന് മുബാറക് അല് നഹ് യാന് പറഞ്ഞു. ഇന്ത്യ സോഷ്യല് സെന്ററില് കഴിഞ്ഞ ദിവസം നടന്ന ചടങ്ങില്, യു. എ. ഇ. യിലെ മുന് ഇന്ത്യന് സ്ഥാനപതി സി. എം. ഭണ്ഡാരി എഴുതിയ 'യോഗശക്തി' എന്ന പുസ്തകം പ്രകാശനം ചെയ്ത് സംസാരിക്കു കയായിരുന്നു അദ്ദേഹം.
ആധുനിക മനുഷ്യന് അനുഭവിക്കുന്ന എല്ലാ വിഷമങ്ങള്ക്കും ഒരു ഔഷധമായി ഈ പുസ്തകം പരിഗണിക്കപ്പെടും എന്ന് ശൈഖ് നഹ് യാന് പറഞ്ഞു. ശാസ്ത്രം പുരോഗമിക്കു മ്പോള് മാനസിക മായ അസ്വസ്ഥത കള് വര്ദ്ധിച്ചു വരുന്നു. ശാരീരിക ദുരന്തങ്ങ ള്ക്കും മാനസിക അസ്വസ്ഥത കള്ക്കും മികച്ച പ്രതി വിധിയായി യോഗ വിദ്യയെ ഇന്ത്യന് സംസ്കാരം പ്രചരിപ്പിക്കുന്നു. ഈ വിഷയത്തില് ശ്രദ്ധേയമായ ഒരു സൃഷ്ടിയാണ് സി. എം. ഭണ്ഡാരിയുടെ 'യോഗ ശക്തി' . യോഗ ശക്തിയിലൂടെ തന്റെ ജീവിതം അര്ഥ പൂര്ണ്ണ മാക്കിയ വ്യക്തിയാണ് നയ തന്ത്രജ്ഞനും പണ്ഡിതനു മായ സി. എം. ഭണ്ഡാരി. 1974 മുതല് താന് യോഗ വിദ്യ ചെയ്യുന്നതായി സി. എം. ഭണ്ഡാരി പറഞ്ഞു. "ഇസ്ലാം മതത്തില് അഞ്ച് നേരത്തെ നമസ്കാരവും റമദാനിലെ നോമ്പും, മനുഷ്യനെ ശുദ്ധീകരിക്കുന്ന മഹത്തായ ജീവിത പദ്ധതികളാണ്. 'യോഗ ശക്തി'യിലൂടെ താന് ആവിഷ്കരിച്ചതും ഫാസ്റ്റിങ്ങിന്റെയും ശാരീരിക നിയന്ത്രണങ്ങളുടെയും സാദ്ധ്യതകളാണ്. മനസ്സിനെ നിയന്ത്രിക്കാനും അഹങ്കാരം ശമിപ്പിക്കാനും യോഗ സഹായിക്കും. വാഹനത്തിന് ഒരു ഡ്രൈവര് എന്ന പോലെ ശരീരത്തെയും മനസ്സിനെയും നിയന്ത്രിക്കാന് യോഗ വിദ്യകള്ക്കു കഴിയും. യോഗാഭ്യാസം മഹത്തായ ഒരു ശാരീരിക ശിക്ഷണ പദ്ധതിയാണ്. യോഗവിദ്യ അഭ്യസി ക്കുന്നവര് എന്നും ഊര്ജ്ജസ്വലരായിരിക്കും. മാനസിക സമ്മര്ദ്ദങ്ങള്ക്കും ഒട്ടു മിക്ക ശാരീരിക രോഗങ്ങള്ക്കും ഫലപ്രദമായ പരിഹാരമാണത്" - സി. എം. ഭണ്ഡാരി പറഞ്ഞു. ഇന്ത്യ സോഷ്യല് സെന്റര് ബോര്ഡ് ഓഫ് ട്രസ്റ്റീസ് ചെയര്മാന് എം. എ. യൂസഫലി ശൈഖ് നഹ്യാനെയും വൈസ് ചെയര്മാന് ഡോ. ബി. ആര്. ഷെട്ടി സി. എം. ഭണ്ഡാരിയെയും ബൊക്കെ നല്കി സ്വീകരിച്ചു. യു. എ. ഇ. യിലെ ഇന്ത്യന് അംബാസഡറുടെ ചാര്ജ് വഹിക്കുന്ന ആര്. സി. നായരെ ഐ. എസ്. സി. സെക്രട്ടറി രമേശ് പണിക്കരും സ്വീകരിച്ചു. പുസ്തക പ്രകാശന ചടങ്ങില് പ്രസിഡന്റ് തോമസ് വര്ഗീസ് അധ്യക്ഷത വഹിച്ചു. രമേശ് പണിക്കര് നന്ദി പറഞ്ഞു. Labels: abudhabi, associations, uae, അറബിനാടുകള്
- പി. എം. അബ്ദുള് റഹിമാന്
( Sunday, April 11, 2010 ) |
പ്രേരണ യു.എ.ഇ. നാടകോത്സവം
ഷാര്ജ : പ്രേരണ യു.എ.ഇ. യുടെ ആഭിമുഖ്യത്തില് ഒരു ഏക ദിന നാടകോത്സവം സംഘടിപ്പിക്കുന്നു. ഏപ്രില് 30ന് നടത്തുവാന് തീരുമാനിച്ച ഇന്ഡോ എമിരാത്തി നാടക ഉത്സവത്തില് ഒരു അറബിക് നാടകവും, മൂന്നു മലയാള നാടകങ്ങളും അരങ്ങേറും. ഇന്നലെ (വെള്ളിയാഴ്ച) ഷാര്ജ സബാ ഹാളില് നടന്ന യോഗത്തില് നാടക ഉത്സവത്തിന്റെ സംഘാടക സമിതി രൂപീകരിക്കുകയും പരിപാടികളുടെ രൂപ രേഖ തയ്യാറാക്കുകയും ചെയ്തു.
- ജെ. എസ്.
( Saturday, April 10, 2010 ) |
0 Comments:
Post a Comment
Subscribe to Post Comments [Atom]
« ആദ്യ പേജിലേക്ക്